Britax Römer hefur ákveðið að innkalla ákveðna BABY-SAFE PRO barnabílstóla sem framleiddir voru frá 26. desember 2025 til 30. september 2026. Stólarnir hafa verið seldir bæði stakir og í setti með VARIO BASE 5Z ISOFIX-base. Stólarnir hafa meðal annars verið seldir hér á landi hjá Fífu. Ákvörðunin um innköllunina var tekin eftir að þýska óháða neytendaprófunarstofnunin Stiftung Warentest fann vandamál við prófun á stólnum þegar hann var festur á VARIO BASE 5Z í mest hallandi stöðu. Þá getur smellan á öryggisbeltinu losnað eða brotnað við framanákeyrslu, með þeim afleiðingum að barnið er ekki nægilega tryggilega fest í stólnum. Vandamálið kom ekki fram þegar stóllinn var í uppréttri stöðu á VARIO BASE 5Z eða þegar stóllinn var festur í bifreiðina með öryggisbelti. Við nánari skoðun og yfirferð hefur Britax Römer afmarkað innköllunina við BABY-SAFE PRO stóla þar sem smella öryggisbeltisins er úr tiltekinni framleiðslulotu. Neytendur sem eiga BABY-SAFE PRO stól sem framleiddur var á tímabilinu 26. desember 2025 til 30. september 2026 eru hvattir til að kanna hvort þeirra stóll falli undir innköllunina. Framleiðsludagsetningu má finna á vörumerkingu á neðri hluta stólskeljarinnar. Hægt er að kanna hvort stóllinn falli undir innköllunina á http://www.baby-safe-check.com/ Ef stóllinn fellur undir innköllunina skal hætta notkun hennar strax og hafa samband við söluaðila.   Öryggi barna er forgangsmál hjá Britax Römer og fyrirtækið segist leggja áherslu á að veita fjölskyldum upplýsingar og aðstoð meðan á innköllunarferlinu stendur.

Meginmál: Vegna brunahættu innkallar Elko APT Cozy, 2000W rafmagnsofna með tilteknu vörunúmeri. Ofnarnir voru seld á tímabilinu 23. desember 2023 til 23. apríl 2026. Innköllunin nær til eftirfarandi tækja: Vara: Rafmagnsofn, APT Cozy, 2000W Gerð (Model): Apt 31689 Vörunúmer: EAN 5722000316893   Mikilvægt- eftirfarandi þarf að gera: Hætta strax notkun á ofninum og taka hana úr sambandi.   Skila ofninum í næstu verslun Elko eða hafa samband við þjónustuver fyrirtækisins. Viðskiptavinir eiga rétt á endurgreiðslu eða nýrri vöru.

HMS hefur borist tilkynning um innköllun á Toyota RAV4 PHEV árgerð 2026. Vegna galla í stjórntölvu afturdrifsmótor gæti háhraðastýring mótorsins ekki virkað. Þegar ökutækið nær þeim hraða sem krefst háhraðastýringar getur tengiltvinnkerfið farið í öryggisham eða slökkt á sér. Ökutækið gæti því misst afl á miklum hraða sem eykur slysahættu. Mun Toyota á Íslandi uppfæra stjórntölvu tengiltvinnkerfisins. Eru eigendur slíkra ökutækja hvattir til að hafa samband við Toyota á Íslandi til að sjá hvort innköllunin eigi við ökutæki þeirra.

HMS vekur athygli á innköllun á veski frá Primark. Um er að ræða seðlaveski með mynd af  hundi úr 101 Dalmatíuhundi.  Við prófanir kom í ljós að efni í veskinu inniheldur of hátt magn af þalatinu DEHP (Bis (2-ethylhexyl)) en styrkur þess mældist allt að 7,55% af þyngd vörunnar. DEHP er efni sem getur haft skaðleg áhrif á heilsu og meðal annars valdið skaða á æxlunarkerfi. Varan uppfyllir ekki kröfur REACH-reglugerðar Evrópusambandsins um skráningu, mat, leyfisveitingu og takmarkanir á efnum. Neytendur eru hvattir til að hætta notkun á veskinu og hafa samband við Primark varðandi skil eða endurgreiðslu, eftir því sem við á.

Vegna framleiðslugalla getur notkun vörunnar með tilteknum hleðslutækjum (sem fylgja ekki vörunni) valdið því að rafhlaðan ofhitni, sem leitt getur til bruna og hættu á alvarlegum brunasárum og/eða eignatjóni. Tækin voru seld á tímabilinu 2. janúar 2025 til 3. september 2026. Innköllunin nær til eftirfarandi tækja: Vara: Love to Dream Sleep Machine Gerð (Model): LTD-SM23 Lotunúmer (Date Code): 7T12TN, 7W15TN og 8P01TN – lotunúmer má finna á hlið tækisins eða aftan á umbúðunum.

HMS barst tilkynning frá Heklu um innköllun á Skoda Fabia, Octavia, Superb og Kodiaq af árgerð 2017-2018. Er um að ræða svokallaða Takata innköllun þar sem við árekstur getur loftpúði skotið út málmflísum sem valda lífshættulegum áverkum. Mun Hekla skoða loftpúða og skipta út þeim sem eru gallaðir. Eru eigendur slíkra ökutækja beðnir um að hafa samband við Heklu og panta tíma ef innköllun hvílir á bílnum.

HMS barst tilkynning um innköllun á Toyota C-HR+ árgerð 2025-2026. Vegna galla í hugbúnaði takmarkar stjórntölva drifrafhlöðunnar ekki hleðslu sem veldur því að við vissar aðstæður getur hleðslustaða rafhlöðunnar orðið of há. Við það getur ökutækið misst afl skyndilega, jafnvel á ferð. Eru eigendur slíkra ökutækja hvattir til að hafa samband við Toyota á Íslandi til að sjá hvort þeirra ökutæki sé innkallað.

HMS hefur borist tilkynning um innköllun á Jaguar Land Rover 2024-2027 ökutækjum með dieselvélar. Ökutækin sem um ræðir eru: Jaguar F-Pace Land Rover Defender Land Rover Discovery Range Rover Sport Range Rover Velar Range Rover Reimhjól getur gengið til og rekist í olíuþrýstiskynjara og skemmt hann sem veldur olíuleka frá vélinni. Mun BL skipta um reimhjól, eigendum að kostnaðarlausu. Eigendur slíkra ökutækja eru beðnir að hafa samband við BL til að athuga hvort bíllinn þeirra hafi verið innkallaður.

HMS barst tilkynning frá Bílaumboðinu Öskju um innköllun á Mercedes-Benz GLE 2024-2026. Möguleiki er að hitahlíf sé ekki rétt uppsett sem getur valdið núningi á eldsneytisleiðslu og skemmt hana. Það getur svo valdið skyndilegu afltapi án fyrirvara. Eigendur slíkra ökutækja eru beðnir að hafa samband við Öskju til að athuga hvort innköllunin eigi við. Þá vill Askja benda á að hægt er að fletta upp innköllun bíla frá Öskju á www.askja.is/oryggisinnkollun-okutaekja.

HMS hefur borist tilkynning frá Apótekaranum og Lyf og Heilsu um að innkalla þurfi græn sólgleraugu Classic Eyewear með auðkennið China W2C. Ástæða innköllunar er að sólgleraugun eru með linsur í  síuflokki 4 (CAT 4), sem er dekksti flokkur sólgleraugnalinsa.  Engar viðvaranir fylgdu þar sem kom fram að sólgleraugun væru ekki ætluð til að notkunar við akstur.  Eins og kemur fram í tilkynningunni þá draga linsurnar verulega úr birtu og geta gert ökumönnum erfiðara fyrir að greina gangandi vegfarendur, umferðamerki eða aðrar hættur í umferðinni. Notkun þeirra við akstur getur því aukið slysahættu.   Í tilkynningunni kemur fram að viðskiptavinir sem keypt hafa þessi sólgleraugu eru beðnir um að skila þeim í næstu verslun Apótekarans eða Lyf og Heilsu og fá vöruna endurgreidda.

Ísband hefur sent HMS tilkynningu um innköllun á Jeep tengiltvinnbílum vegna eldhættu í háspennurafhlöðu. Innköllunin nær til eftirfarandi ökutækja: Jeep Wrangler 4xe, árgerðir 2020–2025 Jeep Grand Cherokee 4xe, árgerðir 2022–2026 Stellantis, framleiðandi ökutækjanna, hefur ákveðið að framkvæma innköllun á 433 tengiltvinnjeppum til að bregðast við mögulegri eldhættu, þar af eru að minnsta kosti 91 bifreið hérlendis á innköllun. Stellantis, vinnur að lausn málsins. Eigendur verða upplýstir þegar hægt verður að bóka ökutækin í viðgerð. Eigendum er ráðlagt að hlaða bílana ekki fyrr en viðgerð hefur farið fram og notast meira við bensín til aksturs en eldhætta minnkar eftir því sem hleðslustaða rafhlöðunnar lækkar. Jafnframt er þeim ráðlagt að leggja ökutækjunum utandyra og fjarri byggingum. Eigendur eru hvattir til að fylgja leiðbeiningum framleiðanda þegar þær berast. Eigendur ökutækja sem flutt hafa verið inn til landsins utan umboðs eru hvattir til að hafa samband við Ísband til að kanna hvort innköllunin nái til ökutækja þeirra og fá upplýsingar um næstu skref. HMS hvetur eigendur slíkra bíla að hafa samband við Ísband til að sjá hvort innköllunin nái til þeirra.

HMS vekur athygli á varasömu veiðileikfangasetti. Leikfangasettið samanstendur af háfi, veiðistöng og 3 fiskum. Fiskarnir í settinu geta valdið köfnun hjá ungum börnum. Leikfangið er frá QICHEN og vörunúmerið er Q03Y Leikfangið var selt í gegnum vefsíðuna eBay og talið er að leikfangið sé í umferð á Íslandi. Eigendur leikfangsins eru hvattir til að taka leikfangið úr umferð og farga því.