Askja hefur sent HMS tilkynningu um innköllun á Mercedes-Benz S-Class bílum frá árgerð 2021 og upp. Ástæða innköllunarinnar er að bremsuslöngur að framan geta lekið. Við það versnar bremsunargeta bílsins sem eykur líkur á slysum. Askja mun skipta um bremsuslöngur. Hægt er að athuga hvort ökutæki þitt sé innkallað í innköllunargátt Öskju og í kjölfarið pantað tíma á verkstæðinu þeirra.

Hekla hefur sent HMS tilkynningu um innköllun á Volkswagen ID Buzz ID.4 og ID.7 árgerð 2023 og 2024. Hætta er á að íhlutir í háspennurafhlöðu uppfylli ekki gæðakröfur. Bilun gæti valdið ofhitnun á rafhlöðu þegar rafhlaðan er nálægt því að vera fullhlaðin sem gæti leitt til þess að kvikni í rafhlöðunni. Eigendur slíkra bifreiða eru beðnir hlaða bílana ekki meira en 80% af hámarkshleðslu rafhlöðu og hafa samband við Heklu til að fullvissa sig að slíkt eigi við sinn bíl. Unnið er að gerð hugbúnaðar sem vaktar rafhlöður og hleðsluhegðun og verður hann settur upp í ökutækið þegar hann er tilbúinn. Hekla mun tilkynna eigendum um slíkt.

Hekla sendi HMS tilkynningu um innköllun á Audi, Volkswagen og Skoda bílum vegna bilunar í stýrisvél. Raki gæti komist inn á stýrisbúnað og valdið tæringu á bolta. Brotni boltinn gæti ökumaður misst stjórn á bílnum á ferð. Mun Hekla skipta um bolta í stýrisvél. Ökutækin sem um ræðir eru Audi Q3 árgerð 2018-2024 VW Caddy, Golf Sportsvan, Golf Variant 7, Tiguan, Tiguan Allspace og Touran árgerð 2014-2024 Skoda Octavia III, Superb III Karoq og Kodiaq I árgerð 2015-2024 Ef þú átt slíkan bíl skaltu hafa samband við Heklu til að athuga hvort innköllunin eigi við bílinn þinn og panta tíma í viðgerð.

Toyota á Íslandi sendi HMS tilkynningu um innköllun á Lexus NX árgerð 2021-2024. Við ræsingu ökutækis getur komið upp villa í ræsiferli mælaborðsskjá svo nauðsynleg viðvörunarljós birtast ekki. Mun Toyota uppfæra hugbúnað mælaborðsins. Eigendur umræddra ökutækja eru beðnir að hafa samband við Toyota á Íslandi til að fá upplýsingar um næstu skref og bóka tíma í uppfærslu ef þess gerist þörf.

BL sendi HMS tilkynningu um innköllun á BMW 3 series, 5 series og 7 series árgerð 2014 - 2020. Ástæðan er sú að vatn getur komist inn í startarann og valdið skemmtum, skammhlaupi og í versta falli valdið ofhitnun sem leiðir til þess að það kviknar í. Mun BL skipta um startara. Eigendum slíkra bifreiða er bent á að hafa samband við BL og panta tíma í þjónustu þeim að kostnaðarlausu.

HMS hefur borist tilkynning frá Bílaumboðinu Unu um innköllun á Xpeng G6 og G9 árgerð 2025 og 2026. Ástæða innköllunarinnar er að læsingarbúnaður dráttarbúnaðar virki ekki og beislið snúist sem getur valdið alvarlegu slysi ef dráttarbúnaður er tengdur. Þar til viðgerð hefur verið framkvæmd ætti ekki að nota dráttarbeislið. Mun Una skipta dráttarbeislum út fyrir uppfærða útgáfu. Eru eigendur slíkra bifreiða beðnir um að hafa samband við Bílaumboðið Öskju í síma 590-2100 eða askja@askja.is.

Britax Römer hefur ákveðið að innkalla ákveðna BABY-SAFE PRO barnabílstóla sem framleiddir voru frá 26. desember 2025 til 30. september 2026. Stólarnir hafa verið seldir bæði stakir og í setti með VARIO BASE 5Z ISOFIX-base. Stólarnir hafa meðal annars verið seldir hér á landi hjá Fífu. Ákvörðunin um innköllunina var tekin eftir að þýska óháða neytendaprófunarstofnunin Stiftung Warentest fann vandamál við prófun á stólnum þegar hann var festur á VARIO BASE 5Z í mest hallandi stöðu. Þá getur smellan á öryggisbeltinu losnað eða brotnað við framanákeyrslu, með þeim afleiðingum að barnið er ekki nægilega tryggilega fest í stólnum. Vandamálið kom ekki fram þegar stóllinn var í uppréttri stöðu á VARIO BASE 5Z eða þegar stóllinn var festur í bifreiðina með öryggisbelti. Við nánari skoðun og yfirferð hefur Britax Römer afmarkað innköllunina við BABY-SAFE PRO stóla þar sem smella öryggisbeltisins er úr tiltekinni framleiðslulotu. Neytendur sem eiga BABY-SAFE PRO stól sem framleiddur var á tímabilinu 26. desember 2025 til 30. september 2026 eru hvattir til að kanna hvort þeirra stóll falli undir innköllunina. Framleiðsludagsetningu má finna á vörumerkingu á neðri hluta stólskeljarinnar. Hægt er að kanna hvort stóllinn falli undir innköllunina á http://www.baby-safe-check.com/ Ef stóllinn fellur undir innköllunina skal hætta notkun hennar strax og hafa samband við söluaðila.   Öryggi barna er forgangsmál hjá Britax Römer og fyrirtækið segist leggja áherslu á að veita fjölskyldum upplýsingar og aðstoð meðan á innköllunarferlinu stendur.

Meginmál: Vegna brunahættu innkallar Elko APT Cozy, 2000W rafmagnsofna með tilteknu vörunúmeri. Ofnarnir voru seld á tímabilinu 23. desember 2023 til 23. apríl 2026. Innköllunin nær til eftirfarandi tækja: Vara: Rafmagnsofn, APT Cozy, 2000W Gerð (Model): Apt 31689 Vörunúmer: EAN 5722000316893   Mikilvægt- eftirfarandi þarf að gera: Hætta strax notkun á ofninum og taka hana úr sambandi.   Skila ofninum í næstu verslun Elko eða hafa samband við þjónustuver fyrirtækisins. Viðskiptavinir eiga rétt á endurgreiðslu eða nýrri vöru.

HMS hefur borist tilkynning um innköllun á Toyota RAV4 PHEV árgerð 2026. Vegna galla í stjórntölvu afturdrifsmótor gæti háhraðastýring mótorsins ekki virkað. Þegar ökutækið nær þeim hraða sem krefst háhraðastýringar getur tengiltvinnkerfið farið í öryggisham eða slökkt á sér. Ökutækið gæti því misst afl á miklum hraða sem eykur slysahættu. Mun Toyota á Íslandi uppfæra stjórntölvu tengiltvinnkerfisins. Eru eigendur slíkra ökutækja hvattir til að hafa samband við Toyota á Íslandi til að sjá hvort innköllunin eigi við ökutæki þeirra.

HMS vekur athygli á innköllun á veski frá Primark. Um er að ræða seðlaveski með mynd af  hundi úr 101 Dalmatíuhundi.  Við prófanir kom í ljós að efni í veskinu inniheldur of hátt magn af þalatinu DEHP (Bis (2-ethylhexyl)) en styrkur þess mældist allt að 7,55% af þyngd vörunnar. DEHP er efni sem getur haft skaðleg áhrif á heilsu og meðal annars valdið skaða á æxlunarkerfi. Varan uppfyllir ekki kröfur REACH-reglugerðar Evrópusambandsins um skráningu, mat, leyfisveitingu og takmarkanir á efnum. Neytendur eru hvattir til að hætta notkun á veskinu og hafa samband við Primark varðandi skil eða endurgreiðslu, eftir því sem við á.

Vegna framleiðslugalla getur notkun vörunnar með tilteknum hleðslutækjum (sem fylgja ekki vörunni) valdið því að rafhlaðan ofhitni, sem leitt getur til bruna og hættu á alvarlegum brunasárum og/eða eignatjóni. Tækin voru seld á tímabilinu 2. janúar 2025 til 3. september 2026. Innköllunin nær til eftirfarandi tækja: Vara: Love to Dream Sleep Machine Gerð (Model): LTD-SM23 Lotunúmer (Date Code): 7T12TN, 7W15TN og 8P01TN – lotunúmer má finna á hlið tækisins eða aftan á umbúðunum.

HMS barst tilkynning frá Heklu um innköllun á Skoda Fabia, Octavia, Superb og Kodiaq af árgerð 2017-2018. Er um að ræða svokallaða Takata innköllun þar sem við árekstur getur loftpúði skotið út málmflísum sem valda lífshættulegum áverkum. Mun Hekla skoða loftpúða og skipta út þeim sem eru gallaðir. Eru eigendur slíkra ökutækja beðnir um að hafa samband við Heklu og panta tíma ef innköllun hvílir á bílnum.