16. júlí 2026

Tvö leikföng sem seld voru á SHEIN tekin af markaði vegna köfnunarhættu

16. júlí 2026

Tvö leikföng sem seld voru á SHEIN tekin af markaði vegna köfnunarhættu

Leikföng

Innköllun

HMS vekur athygli á tveimur leikföngum sem seld voru á netversluninni SHEIN. Um er að ræða tréleikfang og nagleikfangasett fyrir börn. Bæði leikföngin geta skapað köfnunarhættu fyrir ung börn og uppfylla ekki kröfur leikfangareglugerðar.

Annað leikfangið er tréhringla sem lítur út eins og kóalabjörn, New Wooden Hand Rattle með lotunúmer PMZ117001-1P. Hitt leikfangið er nagleikfangasett með 3 nagstöngum með lotunúmer 20250805-OA . Nagstangirnar voru seldar í mismunandi litum.

Talið er að leikföngin séu í umferð á Íslandi og neytendur sem kunna að eiga þessar vörur ættu að hætta notkun þeirra strax og farga þeim.

Vöruheiti

New Wooden Hand Rattle og 3pc Baby Teething Toy sett

Hver er hættan?

Leikföngin uppfylla ekki kröfur leikfangareglugerðar og geta valdið köfnunarhættu.

Hvað eiga viðskiptavinir að gera?

Neytendur sem kunna að eiga þessar vörur ættu að hætta notkun þeirra strax og farga þeim.

Lotunúmer

Tréleikfang - New Wooden Hand Rattle - PMZ117001-1P

Nagleikfangasett-3pc Baby Teething Toy sett- Lotunúmer 20250805-OA

Deildu

Nýjar tilkynningar

Barnabílstóll

Innköllun

21. október 2026

Innköllun á BABY-SAFE PRO barnabílstólum frá Britax Römer

Britax Römer hefur ákveðið að innkalla ákveðna BABY-SAFE PRO barnabílstóla sem framleiddir voru frá 26. desember 2025 til 30. september 2026. Stólarnir hafa verið seldir bæði stakir og í setti með VARIO BASE 5Z ISOFIX-base. Stólarnir hafa meðal annars verið seldir hér á landi hjá Fífu. Ákvörðunin um innköllunina var tekin eftir að þýska óháða neytendaprófunarstofnunin Stiftung Warentest fann vandamál við prófun á stólnum þegar hann var festur á VARIO BASE 5Z í mest hallandi stöðu. Þá getur smellan á öryggisbeltinu losnað eða brotnað við framanákeyrslu, með þeim afleiðingum að barnið er ekki nægilega tryggilega fest í stólnum. Vandamálið kom ekki fram þegar stóllinn var í uppréttri stöðu á VARIO BASE 5Z eða þegar stóllinn var festur í bifreiðina með öryggisbelti. Við nánari skoðun og yfirferð hefur Britax Römer afmarkað innköllunina við BABY-SAFE PRO stóla þar sem smella öryggisbeltisins er úr tiltekinni framleiðslulotu. Neytendur sem eiga BABY-SAFE PRO stól sem framleiddur var á tímabilinu 26. desember 2025 til 30. september 2026 eru hvattir til að kanna hvort þeirra stóll falli undir innköllunina. Framleiðsludagsetningu má finna á vörumerkingu á neðri hluta stólskeljarinnar. Hægt er að kanna hvort stóllinn falli undir innköllunina á http://www.baby-safe-check.com/ Ef stóllinn fellur undir innköllunina skal hætta notkun hennar strax og hafa samband við söluaðila.   Öryggi barna er forgangsmál hjá Britax Römer og fyrirtækið segist leggja áherslu á að veita fjölskyldum upplýsingar og aðstoð meðan á innköllunarferlinu stendur.