Láttu sjá þig! Endurskin skiptir miklu máli

Það getur verið þægilegt og hagkvæmt að versla á netinu en það fylgir því líka áhætta. Netsölutorg, þar sem einstaklingar og fyrirtæki bjóða vörur til sölu, eru ekki alltaf ábyrg gagnvart þér sem neytanda. Þess vegna er mikilvægt að vita hvaða reglur gilda, hvað ber að varast og hvernig þú eykur líkur á að geta varið þig gegn óöruggum vörum. Þegar verslað er í vefverslunum þá ert það þú sem ert lykilmanneskjan. Þú hefur áhrif á öryggi þitt með eigin vali og aðgerðum. Húsnæðis-, og mannvirkja- og skipulagsstofnun (HMS) tók saman nokkur atriði sem neytendur ættu að hafa í huga við kaup á vörum í gegnum netsölutorg eða netverslanir. HMS framkvæmir reglulega úttekt vara á netsölutorgum en í síðustu úttekt kom m.a. í ljós að í 50% tilvika uppfylltu vörur ekki kröfur um öryggi og í 65% tilfella voru seljendur með skráðan evrópskan fulltrúa sem reyndist ýmist falsaður eða svaraði ekki fyrirspurnum. Gagnlegar upplýsingar fyrir neytendur Skoðum vel merkingar og upplýsingar varðandi vöruna Er framleiðandi og framleiðsluland skráð á vöruna? Koma nafn seljanda, heimilisfang og aðrar auðkennandi upplýsingar um hann skýrt fram? – Takmarkaðar upplýsingar eru hættumerki Hvernig eru athugasemdir fyrri kaupenda vörunnar? Eru athugasemdirnar trúverðugar? - Hafa ber í huga að þær geta verið falsaðar Lágt verð endurspeglar oft óviss gæði og skamman líftíma Hátt verð endurspeglar ekki alltaf gæði Á viðkomandi vara að vera CE merkt? - Koma þær upplýsingar fram í vörulýsingu á netinu og á vörunni sjálfri? Skoðaðu vöruna ítarlega þegar þú færð hana Eru kaupin nauðsynleg? Hvar mun varan enda eftir þína notkun ?

Þegar um barnavörur er að ræða geta afleiðingarnar verið sérstaklega alvarlegar. Ábyrgir framleiðendur grípa til innköllunar um leið og í ljós kemur að vara geti valdið barni skaða. Markmiðið er að koma í veg fyrir slys áður en þau verða. Sama gildir um bíla. Bílar eru aðeins innkallaðir þegar öryggisgalli hefur komið í ljós sem getur skapað hættu fyrir ökumenn, farþega eða aðra vegfarendur. Viðgerðir vegna innköllunar eru framkvæmdar á kostnað framleiðanda og mikilvægt er að eigendur bregðist við sem fyrst. Þótt aðeins hluti framleiddra eintaka sé hugsanlega gallaður breytir það ekki alvarleika málsins. Þegar vara er innkölluð er oft ekki hægt að sjá með berum augum hvort tiltekið eintak sé öruggt eða ekki. Þess vegna er mikilvægt að bregðast við öllum innköllunum samkvæmt leiðbeiningum framleiðanda eða seljanda. Spurningin er einföld: Er áhættan þess virði þegar öryggi þitt eða barna þinna er í húfi? Að bíða og sjá getur haft alvarlegar afleiðingar. Enginn ætti að þurfa að upplifa slys sem hefði verið hægt að koma í veg fyrir með því að bregðast við innköllun í tæka tíð.