Leikfangahljóðfæri frá Wodi eru innkölluð vegna hættu á að þau geti festst í hálsi barns og valdið lokun öndunarvegar. Leikföngin eru viðarhljóðfæri sem seld eru sex saman í setti. Fjórir hlutir í settinu stóðust ekki prófanir samkvæmt leikfangastaðlinum þar af leiðandi eru vörurnar innkallaðar. Engin slys hafa verið tilkynnt, en varan er metin geta valdið alvarlegri hættu fyrir ung börn. Því er mikilvægt að taka leikföngin úr umferð sem fyrst. Talið er að leikfangið sé í umferð á Íslandi og eru eigendur þess beðnir um að hætta notkun þess tafarlaust og farga því. Ekki er vitað hvort leikfangið hafi verið selt í verslunum hérlendis, en það var selt í gegnum netverslunina Shein.

Húsnæðis-, mannvirkja- og skipulagsstofnun (HMS) fékk tilkynningu um innköllun á undirstöðu fyrir Maxi Cosy barnabílstól (e.Maxi-Cosi FamilyFix Slide Pro base). Varan hefur verið seld í Fífu barnavöruverslun. Samkvæmt upplýsingum frá framleiðanda nær innköllunin til undirstaða (e.base) með vörunúmerið 8065057110 sem framleiddar voru á tímabilinu 6. september 2025 til 24. mars 2026. Komið hefur í ljós að vísir sem sýnir hvort barnabílstóll sé rétt festur á undirstöðuna getur sýnt grænt ljós þótt stóllinn sé ekki að fullu festur. Notandi getur því talið að stóllinn sé rétt tengdur þegar svo er ekki. Við slíkar aðstæður er hætta á að stóllinn hreyfist eða losni, sem getur valdið meiðslum. Í tilkynningunni kemur fram að ekki eigi að halda áfram að nota vöruna fyrr en farið hefur verið eftir leiðbeiningum framleiðandans. Nánari upplýsingar má nálgast hjá Fífu barnavöruverslun.  Nýjar undirstöður (e.base) eru á leiðinni til landsins og mun verslunin sjá um að skipta út vörunum um leið og þær berast. Samkvæmt upplýsingum frá Fífu hefur ekki enn náðst í sjö eigendur á FamilyFix Slide Pro base vörunni.  HMS hvetur því þá sem eiga slíka undirstöðu (e.base) til að athuga hvort hún sé meðal þeirra vara sem innköllunin nær til. Þótt innköllun barnabílstóls eða fylgihluta þeirra geti valdið áhyggjum er mikilvægt að hafa í huga að innköllunarferli eru hluti af öryggiskerfi sem ætlað er að vernda neytendur og auka öryggi barna í umferðinni.

HMS hefur borist tilkynning um innköllun á Joolz Aer2 bílstólafestingum vegna öryggisvanda sem getur komið upp við notkun. Samkvæmt tilkynningu frá framleiðanda Joolz geta festingarnar ekki alltaf læst sig rétt við Joolz Aer2 kerruna. Í ákveðnum tilfellum getur það valdið því að festingarnar losni við notkun, með þeim afleiðingum að bílstóll geti hallast fram eða fallið til jarðar. Alls hafa verið 28 atvik tilkynnt og þar af tilkynnt um slys/áverka í tveimur tilfellum. Það áréttast að hvorugt slysið átti sér stað á Íslandi. Varan sem innköllunin nær til ·       Vara: Joolz Aer2 bílstólafestingar ·       Vörunúmer: 320400 ·       Raðnúmer: NL311 ·       EAN: 8715688096512 ·       Sölutímabil: júní 2025 – maí 2026 Tekið er fram í tilkynningunni að innköllunin snýr eingöngu að Joolz Aer2 bílstólafestingunum. Joolz Aer2 kerran sjálf er ekki hluti af innkölluninni og er áfram talin örugg í notkun án festinganna. Eigendur eru beðnir um að hætta tafarlaust notkun á Joolz Aer2 bílstólafestingunum og farga vörunni á umhverfisvænan hátt. Skrá vöruna á innköllunarsíðu Joolz: https://service.joolz.com/s/car-seat-adapter-set-recall?language=en_US Joolz gerir ráð fyrir að endurbætt útgáfa af festingunum verði fáanleg frá byrjun júlí 2026. Að sögn fyrirtækisins er öryggi barna og foreldra í algjörum forgangi og er innköllunin framkvæmd af þeim sökum. Búið er að hafa samband við flesta kaupendur, en ekki hefur náðst í eigendur fjögurra eininga. Í tilkynningunni kemur fram að þrátt fyrir að verslun Mía sem dreifði vörunni sé lokuð er verið að koma upplýsingunum á framfæri til að tryggja að allir viðeigandi aðilar fái tilkynninguna sem fyrst. Fyrirtækið biðst velvirðingar á þeim óþægindum og áhyggjum sem þetta kann að valda.

HMS vill vekja athygli á barnaleikfangi í laginu eins og bíllykill með fjarstýringu, rafhlöðum og þremur lyklum. Leikfangið hefur verið tekið af markaði þar sem það stóðst ekki öryggiskröfur. Leikfangið getur festst í hálsi barns og valdið köfnun. Leikfangið var selt í gegnum Shein og hugsanlega fleiri vefverslunum. Talið er að leikfangið sé í umferð á Íslandi og eigendur leikfangsins eru hvattir til að hætta notkun leikfangsins sem fyrst.

HMS vill vekja athygli á öryggisatriðum vegna ungbarnaróla frá KREA, gerðir AN7G96 (2032) og AM59UB (2034). Í leiðbeiningabæklingi sem fylgdi rólunum vantar upplýsingar um hámarksuppsetningarhæð. Rólurnar má ekki setja hærra en 2,5 metra frá jörðu. Ef rólurnar eru settar upp í of mikilli hæð getur það valdið hengingarhættu við ákveðin skilyrði. Tryggja þarf einnig að fjarlægð frá aðliggjandi hlutum sé að minnsta kosti 2 metrar. Athugið að þessi tilkynning á við um önnur vörunúmer en sambærilegar rólur sem áður hafa verið innkallaðar. Einkenni þessara róla er að KREA stendur fremst á rólunni. Rólurnar voru seldar hjá Kids Coolshop og hugsanlega á fleiri stöðum hérlendis. Rólurnar  eiga ekki lengur að vera á markaði á Íslandi. Eigendur viðkomandi róla eru hvattir til að: Kanna hvort rólan sé af gerð AN7G96 (2032) eða AM59UB (2034) Rólurnar mega ekki fara í hærri fjarlægð frá jörðu en 600mm, vegna mögulegrar hengingarhættu. Staðfesta rétta uppsetningarhæð rólunnar, ganga úr skugga um að rólan sé ekki sett upp of hátt (<2,5m) og að næg fjarlægð sé frá nærliggjandi hlutum (2m) Hafa samband við söluaðila ef vafi leikur á um vöru eða uppsetningu

HMS vekur athygli á að spilið Magnetic frá BIGTOYS, vörunúmer BGR5664 HB-17, hefur verið tekið af markaði. Spilið uppfyllir ekki öryggiskröfur sem gerðar eru til leikfanga. Spilið inniheldur litla segla sem eru með of háum segulstyrk. Ef barn gleypir tvo eða fleiri segla geta þeir dregist saman í meltingarvegi og valdið alvarlegum innvortis meiðslum eins og garnastíflu eða rofi á þörmum. Talið er að spilið sé í umferð á Íslandi. Eigendur spilsins eru hvattir til að halda spilinu frá ungum börnum.

HMS vekur athygli á spilinu Kluster vegna segulstyrks í seglum sem fylgja spilinu. Segulstyrkurinn er mjög hár og ef barn gleypir tvo eða fleiri segla geta þeir dregist saman í meltingarvegi og valdið alvarlegum innvortis meiðslum eins og garnastíflu eða rofi á þörmum. Athugið að búið er að endurútgefa spilið en öryggistilkynningin á sérstaklega við um eldri útgáfur spilsins þar sem seglarnir eru mjög smáir. Nýrri útgáfa af spilinu er með stærri segla og því minni líkur að hægt sé að innbyrða seglana. Framleiðendur hafa sett aldurviðmið spilsins í 14+. HMS hvetur eigendur spilsins að halda því frá ungum börnum.

HMS hefur fengið tilkynningu frá Öskju um innköllun á Mercedes Benz G-Class 2024-2026. Ástæða innköllunarinnar er að felguboltar geta losnað við akstur. Það getur haft áhrif á stöðugleika ökutækisins og eykur hættu á slysi. Mun Askja skipta um felgubolta og mögulega felgulykil ef þess gerist þörf. Askja vill benda á innköllunargátt fyrirtækisins sem nær til allra eintaka sem Askja hefur flutt inn og er verið að innkalla https://www.askja.is/oryggisinnkollun-okutaekja. Ef þú átt ökutæki sem passar við lýsinguna hér að ofan og þú telur að flutt hafi verið inn af öðrum aðila en Öskju geturðu haft samband við Öskju.

HMS hefur fengið tilkynningu frá Öskju um innköllun á Mercedes-Benz Citan/T-Class árgerð 2025. Ástæða innköllunarinnar er að galli í kúplingspressu getur valdið því að kúpling aftengi ekki sem gerir gírskiptingu ómögulega. Slíkt getur valdið breytingu á akstursgetu sem veldur slysahættu. Mun Askja skipta um kúplingu og fylgihluti. Askja vill benda á innköllunargátt fyrirtækisins sem nær til allra eintaka sem Askja hefur flutt inn og er verið að innkalla https://www.askja.is/oryggisinnkollun-okutaekja Ef þú átt ökutæki sem passar við lýsinguna hér að ofan og þú telur að flutt hafi verið inn af öðrum aðila en Öskju geturðu haft samband við Öskju.

HMS hefur borist tilkynning frá Brimborg um innköllun á Opel Combo 2025-2026. Ástæða innköllunarinnar er að tímareimin getur runnið af hjóli á vatnsdælu og við það fer tímasetning vélarinnar úr skorðum. Vélin getur misst afl eða stöðvast alveg. Í versta falli geta hlutir losnað af bifreiðinni á ferð sem veldur hættu á slysum. Brimborg mun gera við bilunina. Eru eigendur Opel Combo 2025-2026 beðnir um að hafa samband við Brimborg til að staðfesta að innköllunin eigi við ökutæki þeirra og panta tíma.

HMS hefur borist tilkynning um hættulegar ísaxir og klifurbelti frá framleiðandanum Petzl sem hafa verið sett á markað og eru nú til innköllunar. Ísaxirnar sem eru innkallaðar heita Piolets, hætta er á að handfangið getur brotnað við notkun á ísöxunum sem getur leitt til falls og meiðsla. Módelnúmerið er ERGONOMIC U022AA00 framleitt í júní 2018 til desember 2021 og NOMIC U021AA00 framleitt í desember 2017 til júní 2020. Hérlendis hafa 16 ísaxir verið í dreifingu. Þegar hefur verið brugðist við og hafa sex ísaxir verið innkallaðir. Vinna við að ná til þeirra eintaka sem eftir standa er áfram í gangi. Petzl innkallar einnig klifurbelti af gerðinni Canyon Guide  eftir að alvarlegur galli fannst í festibúnaði.  Gallinn getur valdið því að festing opnast við notkun, sem eykur hættu á falli og alvarlegum meiðslum. Um er að ræða módel C086BA00 og C086BA01 með lotunúmerum eldri en 23J9999999 999. Samkvæmt fyrirliggjandi upplýsingum HMS eru enn tvö klifurbelti í umferð sem mikilvægt er að finna og taka úr notkun hið fyrsta. Viðkomandi vörur hafa meðal annars verið til sölu hjá Fjallakofanum og Stoðtækjum. Neytendur sem hafa keypt umræddar vörur eru hvattir til að hætta notkun þeirra tafarlaust og hafa samband við söluaðila til að fá frekari upplýsingar. Nánari upplýsingar um innköllunina má finna á vef Safety Gate, sjá fyrir neðan https://ec.europa.eu/safety-gate-alerts/screen/webReport/alertDetail/10098401?lang=en https://ec.europa.eu/safety-gate-alerts/screen/webReport/alertDetail/10098339?lang=en HMS biðlar jafnframt til fyrirtækja sem kunna að hafa haft þessar klifurvörur til sölu að hafa samband og staðfesta hvort viðkomandi vörur hafi verið í þeirra vöruframboði. Öryggi notenda er ávallt í forgangi og er mikilvægt að bregðast hratt við til að koma í veg fyrir slys.

HMS hefur fengið tilkynning um innköllun á Ford Kuga PHEV 2019-2025. Ástæða innköllunarinnar er sú að skammhlaup getur orðið í rafhlöðu tengiltvinnbílsins sem gæti valdið aflmissi á ferð eða jafnvel að eldur kvikni í rafhlöðunni. Ford veit af þessum galla og er að leita lausna sem þeir gera ráð fyrir að verði tiltæk um mitt ár 2026. Þá mun Brimborg senda eigendum slíka bifreiða tilkynningu um innköllun. Þangað til mælir Brimborg með að hlaða alls ekki rafhlöðuna yfir 80% þar til viðgerð hefur farið fram. Ef þú átt slíkan bíl sem hefur verið fluttur inn af öðrum aðila en Brimborg getur þú athugað hvort innköllunin eigi líka við um bílinn þinn.